Мюнхеннинг «Бавария» клуби ярим ҳимоячиси Йозуа Киммих жамоа марказий ҳужумчиси Харри Кейннинг Мадриднинг «Реал» клубига қарши Чемпионлар Лигаси чорак финал дастлабки учрашувида майдонга тушиш имкониятлари ҳақида гапириб ўтди.
«Кейн ҳатто ногиронлар аравачасида бўлса ҳам майдонга тушишга тайёр бўлади. Агар унинг саломатлигида муаммолар бўлса ҳам, у барибир ўйнайди», — деди ярим ҳимоячи матбуот анжумани чоғида.
Жароҳати сабабли англиялик тўпурар Германия чемпионатининг «Фрайбург»га қарши баҳсида (3:2) иштирок этмаган эди.
«Реал» ва «Бавария» ўртасидаги дастлабки ўйин сешанба куни, 7 апрель куни Мадриддаги «Сантьяго Бернабеу» стадионида бўлиб ўтади.
