Myunxenning «Bavariya» klubi yarim himoyachisi Yozua Kimmix jamoa markaziy hujumchisi Xarri Keynning Madridning «Real» klubiga qarshi Chempionlar Ligasi chorak final dastlabki uchrashuvida maydonga tushish imkoniyatlari haqida gapirib o‘tdi.
«Keyn hatto nogironlar aravachasida bo‘lsa ham maydonga tushishga tayyor bo‘ladi. Agar uning salomatligida muammolar bo‘lsa ham, u baribir o‘ynaydi», — dedi yarim himoyachi matbuot anjumani chog‘ida.
Jarohati sababli angliyalik to‘purar Germaniya chempionatining «Frayburg»ga qarshi bahsida (3:2) ishtirok etmagan edi.
«Real» va «Bavariya» o‘rtasidagi dastlabki o‘yin seshanba kuni, 7 aprel kuni Madriddagi «Santyago Bernabeu» stadionida bo‘lib o‘tadi.
