Мюнхеннинг «Бавария» клуби жамоа таркибида 40 ёшли германиялик Мануэль Нойернинг ўрнини эгаллайдиган янги дарвозабон билан шартнома имзолашни режалаштирмоқда. Бу ҳақда Teamtalk журналистлари хабар бермоқда.

Манба берган маълумотларга кўра, Германия чемпионининг қизиқишлар доирасидан 23 ёшли нидерландиялик Барт Вербрюгген ўрин олган. Айни дамда посбон Англия Премьер-лигасида «Брайтон» клуби шарафини ҳимоя қилмоқда.

Нидерландиялик футболчининг «чайкалар» билан тузган меҳнат шартномаси 2028 йилнинг ўрталарига қадар мўлжалланган. Унинг трансфер қиймати 40 миллион еврога баҳоланмоқда.

Англия чемпионатининг жорий мавсумида Барт 31 та учрашувда майдонга тушди. Дарвозабон ўз дарвозасидан 37 та тўп олиб чиқди ва еттита ўйинда дарвозаси дахлсизлигини сақлаб қолди.