Кеча Ўзбекистон кубоги ярим финали доирасида ўтказилган “Насаф”-“Пахтакор” учрашувининг иккинчи бўлимида иқтидорли ярим ҳимоячимиз Шоҳруҳ Гадоев кутилмаганда жиддий жароҳат олиб майдонни тарк этган эди.

Дастлабки маълумотларга кўра, 22 ёшли ярим ҳимоячимизнинг 2-3 ҳафтага сафдан чиққанлиги маълум бўлганди. Аммо жамоа шифокори Рустам Меҳмоновнинг айтишича, бу жараён бунданда кўпроқ давом этиши мумкин экан.

— Кечанинг ўзида футболчимиз рентгендан ўтказилгач, ўнг оёғининг кичик болдир суяги жароҳатланганлиги маълум бўлди. Айни пайтда Шоҳруҳнинг оёғи гипсда. Биласиз бу жараён 45 кунга чўзилади. Бир ойдан кейин биз уни ҳолатини қайта текширувдан ўтказамиз. Умуман футболчининг тўлиқ тикланиб, сафга қайтиш жараёнига икки ойга яқин вақт кетади, — дейди шифокор. 

Таъкидлаш жоиз, кеча “Марказий” стадонда ўтказилган беллашувнинг 56-дақиқасида “Пахтакор” аъзоси Даврон Ҳошимов ўта қўпол ҳаракатлари натижасида Гадоев учрашувни давом эттиролмаслиги маълум бўлди ва ўз ўрнини Фаррух Сайфиевга бўшатиб беришга мажбур бўлганди.