"Бавария" ҳужумчиси Харри Кейннинг ҳолати ҳақида маълумотлар пайдо бўлди. 32 ёшли футболчи тўпиғидаги муаммолар сабабли Бундеслиганинг "Фрайбург"га қарши ўтган баҳсини (3:2) ўтказиб юборган эди.
Бироқ, журналист Флориан Плеттенбергнинг хабар беришича, Кейн Мадриднинг "Реал" клубига қарши кечадиган баҳс олдидан "Бавария"нинг Мюнхендаги якуний машғулотида иштирок этди. Агар ҳеч қандай кутилмаган ҳолат юз бермаса, ҳужумчи "қаймоқранглилар" билан ўйинда жамоасига ёрдам бера олади.
Ушбу Чемпионлар Лигасида Кейн аллақачон ўнта гол урди ва тўпурарлар пойгасида фақат Килиан Мбаппедан ортда қолган ҳолда иккинчи ўринни эгаллаб турибди.
"Реал" ва "Бавария" ўртасидаги Чемпионлар Лигаси чорак финал дастлабки учрашуви 7 апрель куни бўлиб ўтади. Учрашув Тошкент вақти билан соат 00:00 да бошланади.
