Аргентиналик вингер Алехандро Гарначо ёзги трансфер ойнасида жамоасини ўзгартириши мумкин. Бу ҳақда инсайдер Саймон Филлипс ўз ижтимоий тармоқларида хабар берди.
Журналистнинг маълумотларига кўра, Лондоннинг «Челси» клуби раҳбарияти ярим ҳимоячини сотишга тайёр ва потенциал харидорлардан таклифлар кутмоқда. Алехандронинг бозор қиймати 40 миллион еврога баҳоланмоқда, унинг амалдаги шартномаси эса 2032 йил июнь ойи охиригача мўлжалланган.
Эслатиб ўтамиз, 21 ёшли аргентиналик футболчи «Челси»га «Манчестер Юнайтед»дан 46 миллион евро эвазига ўтган эди.
Англия чемпионатининг жорий мавсумида Алехандро 20 та учрашувда майдонга тушиб, ўз ҳисобига битта гол ва тўртта голли узатмани ёздириб қўйди.
