«Арсенал» бош мураббийи Микель Артета Чемпионлар лигаси 1/4 финали доирасидаги «Спортинг»га қарши сафар ўйини олдидан ўз фикрларини билдириб ўтди.
«Биз натижалари бизга яхши маълум бўлган рақибга қарши ўйнаймиз. Улар нималарга қодир эканлигини биламиз. Мен ҳар қачонгидан ҳам ғалабага ташнаман, жуда ҳаяжондаман ва эртанги баҳсга максимал даражада мотивланганман.
Улар ўз майдонида нималар қилишганини, ушбу Чемпионлар лигасида қандай ўйин кўрсатишганини ва қайси рақибларни мағлуб этишганини билган ҳолда, ўйин нақадар қийин кечишини тушуниб турибмиз. Айнан шунинг учун ҳам биз ушбу учрашувни интиқлик билан кутяпмиз», — деди Артета журналистларга.
Маълумот учун, «Спортинг» жорий мавсум Чемпионлар лигасида ўз майдонида ўтказилган барча бешта ўйинда ғалаба қозонган.
