«Барселона» ҳимоячиси Алехандро Бальде сўнгги пайтларда трансфер миш-мишларининг асосий қаҳрамонларидан бирига айланмоқда. Журналист Фабрицио Романо хабар беришича, «кўк-анорранглилар» Бальдени сотиб юбориши мумкин, бироқ клубнинг ўзи ушбу келишув учун фаол ҳаракат бошлагани йўқ.
Агар «Барселона»га Бальде бўйича молиявий жиҳатдан манфаатли таклиф тушса, у кўриб чиқилиши мумкин. Шу билан бирга, каталонияликлар футболчининг трансфери бўйича ўз ташаббуслари билан чиқиш ниятида эмаслар.
Нуфузли Transfermarkt портали мутахассислари 22 ёшли Алехандро Бальдени 55 миллион еврога баҳоламоқда.
