Лиссабоннинг «Спортинг» устози Руй Боржес Лондоннинг «Арсенал» клубига қарши Чемпионлар Лигаси чорак финалининг илк ўйини олдидан ўз фикрларини билдирди. Ўйин 7 апрель куни бўлиб ўтади.
«Биз орзуларимизни амалга оширишни ва тарих яратишда давом этишни хоҳлаймиз. Стадионимиз ва мухлисларимизнинг энергияси сеҳрли оқшом яратишда жуда муҳим роль ўйнайди», - дея мураббийнинг сўзларидан иқтибос келтиради УЕФА сайти.
Учрашувни германиялик бош ҳакам Даниэль Зиберт бошқариб боради, унга ҳамюртлари Ян Зайдель, Рафаэль Фольтин (лайнсменлар), Даниэль Шлагер (тўртинчи ҳакам), Бастиан Данкер ва Серен Сторкс (VAR) ёрдам беришади.
