"Барселона" бош мураббийи Ханс-Дитер Флик "Атлетико"га қарши ўйиндан олдин матбуот анжуманида иштирок этди.
— Бу мавсумда "Атлетико" билан 4 марта тўқнаш келдингиз ва ҳар бир ўйин ҳар хил сценарий остида ўтди: бир сафар ҳисобда ортда бориб, вазиятни ўзгартиришга мажбур бўлдингиз, бошқа сафар эса улар ҳисобда олдинга чиқиб олишди…
Ушбу аввалги учрашувлар эртанги баҳс олдидан сизларга бирон-бир фойда берадими? Ёки бу Чемпионлар лигаси бўлгани учун бутунлай бошқача воқеликми?
— Менимча, бу бутунлай бошқача нарса. Чунки Чемпионлар лигаси — дунёдаги энг зўр мусобақа бўлиб, унда "Барселона" футболчилари ҳам, "Атлетико" ўйинчилари ҳам ўзларининг бор имкониятларини кўрсатишни ва юқори даражасини намойиш этишни хоҳлашади.
Мен масалага айнан шундай ёндашаман. Биз кучли рақибга қарши тўқнаш келамиз, уларда ажойиб футболчилар бор, лекин биз ҳам кейинги босқичга чиқишга қодирмиз ва айнан шуни хоҳлаймиз", - деди немис мутахассиси.
