"Barselona" bosh murabbiyi Xans-Diter Flik "Atletiko"ga qarshi o‘yindan oldin matbuot anjumanida ishtirok etdi.
— Bu mavsumda "Atletiko" bilan 4 marta to‘qnash keldingiz va har bir o‘yin har xil ssenariy ostida o‘tdi: bir safar hisobda ortda borib, vaziyatni o‘zgartirishga majbur bo‘ldingiz, boshqa safar esa ular hisobda oldinga chiqib olishdi…
Ushbu avvalgi uchrashuvlar ertangi bahs oldidan sizlarga biron-bir foyda beradimi? Yoki bu Chempionlar ligasi bo‘lgani uchun butunlay boshqacha voqelikmi?
— Menimcha, bu butunlay boshqacha narsa. Chunki Chempionlar ligasi — dunyodagi eng zo‘r musobaqa bo‘lib, unda "Barselona" futbolchilari ham, "Atletiko" o‘yinchilari ham o‘zlarining bor imkoniyatlarini ko‘rsatishni va yuqori darajasini namoyish etishni xohlashadi.
Men masalaga aynan shunday yondashaman. Biz kuchli raqibga qarshi to‘qnash kelamiz, ularda ajoyib futbolchilar bor, lekin biz ham keyingi bosqichga chiqishga qodirmiz va aynan shuni xohlaymiz", - dedi nemis mutaxassisi.
