"Барселона" - "Атлетико" учрашувидан олдинги матбуот анжуманида Ханс-Дитер Фликка жамоаларнинг ҳозирги ҳолати ҳақида савол берилди.

— Биз апрель ойидамиз, мавсумнинг катта қисмини ортда қолдирдингиз ва "Атлетико" билан кўплаб тўқнашувларни ўтказдингиз. Ҳозирги плей-офф баҳси олдидан "Барселона" кучлироқ деб айта оласизми? У Атлетико" кўра кучлироқ жамоами?

— "Атлетико" — қийин рақиб. Уларда тўғри менталитет, юқори интенсивлик, тезкор ва майдонда ўз маҳоратига эга футболчилар бор.

Буни шанба куни ҳам кўрдингиз, гарчи улар кўплаб футболчиларига дам беришган бўлса-да, сифат даражаси барибир жуда юқори эди. Улар ҳимояланишни яхши кўришади ва жамоавий (зич) ҳимояда жуда маҳоратли. Атлетико дарвозасига иккита гол уриш осон иш эмас.

Ўйин ҳиссиётларга бой бўлади, айниқса бу икки ўйиндан иборат қаршилик эканини ҳисобга олсак. Биз эртага яхши натижа қайд этиш учун бор имкониятимизни ишга соламиз, лекин у ерда ҳам (жавоб баҳсида) ўйнашимиз кераклигини биламиз.

Лекин мен ҳаяжондаман, чунки бу ижобий ҳолат. Биз "Ньюкасл"ни мағлуб этганимиз ва бунга лойиқ бўлганимиз учун ҳам шу босқичдамиз. Биз давом этишни, олға интилишни ва айтганимдек, мақсадимизга эришишни хоҳлаймиз", - деди Флик.