«Барселона» ҳимоячиси Жоау Канселу жамоанинг Чемпионлар Лигасидаги мақсади ҳақида гапирди. Португалиялик футболчининг сўзларига кўра, каталониялик футболчилар Европанинг бош клуб турнирида ғолиб чиқишни орзу қилишмоқда.
«Кийиниш хонасидаги ҳар бир киши Чемпионлар Лигасида ғолиб чиқишни орзу қилади. Аммо «Атлетико»да ҳам худди биз каби амбициялар бор. Биз кейинги босқичга ўтиш учун ҳамма нарсани қиламиз», - деди Канселу журналистларга.
«Атлетико»га қарши 1/4 финалнинг биринчи ўйинини «Барселона» чоршанба, 8 апрель куни ўз уйида ўтказади. Жавоб ўйини 14 апрель куни Мадридда бўлиб ўтади. Ушбу қарама-қаршилик ғолиби ярим финалда «Спортинг» ёки «Арсенал» билан ўйнайди.
