"Атлетико" ярим ҳимоячиси Маркос Льоренте футбол ўйнашда давом этишига нима сабаб бўлаётганини айтди.
"Бир неча ой олдин рафиқам билан ўтириб, мени футбол билан шуғулланишда давом этишга нима ундаши ҳақида гаплашдик. Мен учун жуда муҳим мақсад — Чемпионлар Лигасида ғалаба қозониш, айнан шу нарса ҳар куни эрталаб уйғонишимга ёрдам беради. Ҳаётда ўз олдингга катта мақсадлар қўйишинг керак ва бу ўшалардан бири. Бу менга қаттиқ ишлашда давом этишим учун куч беради", — дея Льорентенинг сўзларини келтиради Чемпионлар Лигаси расмий сайти.
Эслатиб ўтамиз, эртага, 8 апрель куни "Атлетико" Чемпионлар Лигаси чорак финалининг дастлабки ўйини доирасида "Барселона" билан тўқнаш келади.
