"Ливерпуль" ярим ҳимоячиси Флориан Вирц "ПСЖ"га қарши ўйин олдидан ўтказилган матбуот анжуманида иштирок этди.
"Бу мавсумда биз катта ўйинларда, айниқса Чемпионлар Лигасида яхши ўйнай олишимизни кўрсатдик. Жавоб ўйини ўз уйимизда бўлиши эҳтимол биз учун устунлик бериши мумкин. Бор кучимизни ишга солиб, яхши натижага эришишга ҳаракат қиламиз", — дея Вирцнинг сўзларини келтиради УЕФА расмий сайти.
Мусобақанинг умумий босқичида "Ливерпуль" учинчи ўринни эгаллаган бўлса, парижликлар ўн биринчи поғонада финиш қилишган эди. 1/8 финалда инглиз клуби Туркиянинг "Галатасарой" жамоасидан устун келди (0:1, 4:0), "ПСЖ" эса "Челси" тўсиғидан ўтди (5:2, 3:0).
