Мюнхеннинг "Бавария" клуби бош мураббийи Венсан Компани Чемпионлар Лигаси чорак финали доирасида Мадриднинг "Реал" жамоасига қарши кечган биринчи ўйиндаги ғалабадан сўнг футболчиларнинг ҳолати ҳақида гапириб берди. 7 апрель куни Мадридда бўлиб ўтган баҳс немис грандининг 2:1 ҳисобидаги ғалабаси билан якунланди.
"Кийиниш хонасида ҳамма жуда ҳам хотиржам эди. Биз ғалаба қозондик, аммо кейинги босқичга чиқиш учун яна ғалаба қозонишимиз керак", — дея Компанининг сўзларини келтиради журналист Фабрицио Романо.
"Бавария" ва "Реал" ўртасидаги жавоб ўйини 15 апрель куни бўлиб ўтади.
