ФИФА президенти Жанни Инфантино афсонавий руминиялик мураббий Мирча Луческунинг вафоти муносабати билан ҳамдардлик билдирди. Мутахассис 80 ёшида ҳаётдан кўз юмди.
"Футбол учун жуда маҳзун кун. Биз афсона билан хайрлашмоқдамиз. Қалбим Луческунинг оиласи ва яқинлари билан бирга. Охиратингиз обод бўлсин", — деди Халқаро футбол федерацияси президенти.
Луческу Россия Премьер-лигасида Санкт-Петербургнинг "Зенит" клубидаги фаолияти билан ёдда қолган. Бундан ташқари, мутахассис Миланнинг "Интер", Туркиянинг "Бешиктош" ва "Галатасарой", Донецкнинг "Шахтёр" ҳамда Киевнинг "Динамо" жамоаларини бошқарган. Шунингдек, руминиялик мураббий Туркия ва Руминия миллий терма жамоаларига ҳам устозлик қилган.
