«Вест Хэм» клуби ДР Конго футбол федерациясини айблаб, ФИФАга расмий шикоят йўллади. Бунга Лондон клуби ҳимоячиси Аарон Уан-Биссаканинг Англия Кубоги 1/4 финали доирасидаги «Лидс»га қарши ўйин (2:2, пенальтилар сериясида 2:4) олдидан ўз вақтида жамоа ихтиёрига қайтмагани сабаб бўлган.
Аввалроқ, ДР Конго терма жамоаси аъзолари орадан 52 йил ўтиб илк бор Жаҳон чемпионатига йўлланма олганликлари муносабати билан ташкил этилган қабул маросимлари туфайли ўз клубларига қўйиб юборилмагани ҳақида хабар берилган эди.
«The Athletic» нашрининг маълумотларига кўра, «Вест Хэм» Уан-Биссакага байрам тадбирларида иштирок этиш учун Конгода қолишга рухсат бермаган. Клуб ҳимоячининг Лондонга қайтиши учун махсус парвоз ташкиллаштирган, бироқ футболчи белгиланган рейсга келмаган.
