1990 йилги «Олтин тўп» соҳиби Лотар Маттеус «Бавария» дарвозабони Мануэль Нойер нима учун шу ёзда бўлиб ўтадиган Жаҳон чемпионатига бормаслиги ҳақида ўз фикрини билдирди.
«Нойернинг ҳозирги версияси — дунё даражасида, у миллий терма жамоада бўлиши керак. Умид қиламанки, Нагельсманн «Реал» билан ўйинни кўрган. Мен Мануэль Нойерни айнан шундай формада Жаҳон чемпионатида кўришни жуда истардим. Аммо бундай бўлмаслигини ҳам биламан. Юлиан Нагельсманн бу эшикни очмайди. Айнан шу сабабли Мануэлнинг фаолиятини якунлагани ҳақидаги сўзлари ўз кучида қолади», — дея Маттеуснинг сўзларини «Bild» нашри келтирмоқда.
Эслатиб ўтамиз, Юлиан Нагельсманн «Бавария»да ишлаган вақтида, 2023 йилда Мануэль Нойер билан ўртасида низо келиб чиққан эди. Бунга Нойернинг яқин дўсти бўлган дарвозабонлар мураббийи Тони Топаловичнинг истеъфога чиқарилгани сабаб бўлганди.
