Чоршанба куни «ПСЖ» Чемпионлар лигаси доирасида «Ливерпуль»га қарши ўз майдонида баҳс олиб бормоқда. Парижликлар ярим ҳимоячиси Уоррен Заир-Эмери ўйинни асосий таркибда бошлади. Бу унинг Чемпионлар лигасидаги 40-учрашувидир.
Шу тариқа, Заир-Эмери Чемпионлар лигасида 40 та ўйин маррасини забт этган энг ёш футболчига айланди. Уоррен ушбу мусобақадаги 40-баҳсини 20 ёшу 31 кунлигида ўтказмоқда.
Бунгача мазкур рекорд Жуд Беллингемга тегишли эди. «Реал» ярим ҳимоячиси Чемпионлар лигасидаги 40-ўйинини 21 ёшу 164 кунлигида ўтказган.
