Чемпионлар лигаси чорак финалининг дастлабки учрашувида «Барселона» ўз майдонида «Атлетико»ни қабул қилмоқда. Биринчи бўлим якунида каталонияликлар ҳимоячиси Пау Кубарси ўз жарима майдончаси яқинида қоидани бузди. Ҳакам аввалига футболчига сариқ карточка кўрсатди, бироқ ВАР аралашуви ва такрорий лавҳани томоша қилгандан сўнг, жазони оғирлаштириб, «сўнгги умид фоли» учун уни майдондан четлатди.
Хулиан Альварес жарима зарбасини аниқ амалга ошириб, «Камп Ноу»даги ҳисобни 0:0 дан 0:1 га ўзгартирди. Жамоалар айнан шу ҳисобда танаффусга чиқиб кетишди.
Иккинчи бўлимда «Барселона» олдида жуда мураккаб вазифа турибди — каталонияликлар бир киши кам бўлиб қолган ҳолда ҳисобни тенглаштиришлари керак.
