Chempionlar ligasi chorak finalining dastlabki uchrashuvida «Barselona» o‘z maydonida «Atletiko»ni qabul qilmoqda. Birinchi bo‘lim yakunida kataloniyaliklar himoyachisi Pau Kubarsi o‘z jarima maydonchasi yaqinida qoidani buzdi. Hakam avvaliga futbolchiga sariq kartochka ko‘rsatdi, biroq VAR aralashuvi va takroriy lavhani tomosha qilgandan so‘ng, jazoni og‘irlashtirib, «so‘nggi umid foli» uchun uni maydondan chetlatdi.

Xulian Alvares jarima zarbasini aniq amalga oshirib, «Kamp Nou»dagi hisobni 0:0 dan 0:1 ga o‘zgartirdi. Jamoalar aynan shu hisobda tanaffusga chiqib ketishdi.

Ikkinchi bo‘limda «Barselona» oldida juda murakkab vazifa turibdi — kataloniyaliklar bir kishi kam bo‘lib qolgan holda hisobni tenglashtirishlari kerak.