«Ливерпуль» кетма-кет учинчи мағлубиятини қабул қилиб олди. Арне Слот шогирдлари Чемпионлар лигаси чорак финалининг дастлабки учрашувида «ПСЖ»га имкониятни бой беришди — 0:2.

Бунгача мерсисайдликлар 4 апрель куни Англия Кубоги доирасида «Манчестер Сити»дан қақшатқич мағлубиятга учраган (0:4), 21 мартда эса АПЛда «Брайтон»га мағлуб бўлишган эди (1:2). «Қизиллар» барча турнирлар доирасидаги сўнгги олтита ўйинда жами бир ғалаба, бир дуранг ва тўртта мағлубият қайд этишди.

11 апрель куни «Ливерпуль» навбатдаги учрашувни «Фулхэм»га қарши ўтказади.