«Liverpul» ketma-ket uchinchi mag‘lubiyatini qabul qilib oldi. Arne Slot shogirdlari Chempionlar ligasi chorak finalining dastlabki uchrashuvida «PSJ»ga imkoniyatni boy berishdi — 0:2.

Bungacha mersisaydliklar 4 aprel kuni Angliya Kubogi doirasida «Manchester Siti»dan qaqshatqich mag‘lubiyatga uchragan (0:4), 21 martda esa APLda «Brayton»ga mag‘lub bo‘lishgan edi (1:2). «Qizillar» barcha turnirlar doirasidagi so‘nggi oltita o‘yinda jami bir g‘alaba, bir durang va to‘rtta mag‘lubiyat qayd etishdi.

11 aprel kuni «Liverpul» navbatdagi uchrashuvni «Fulxem»ga qarshi o‘tkazadi.