"Ливерпуль" Чемпионлар лигаси чорак финалининг дастлабки учрашувида "Пари Сен-Жермен"дан мағлубиятга учради (0:2).

Парижликлар ўз уйларида ишончли ғалабани қўлга киритишди, бироқ "қизиллар" устози Арне Слотнинг сўзларига кўра, қарама-қаршилик тақдири ҳали ҳал бўлмаган.

"Умид борми? Албатта, бор. Футболда ҳамма нарса бўлиши мумкин. Мен "Атлетико" "Барселона"ни 2:0 ҳисобида мағлуб этганини кўрдим. Ҳар хил вазиятлар учраб туради: четлатишлар, белгиланган ва белгиланмаган пенальтилар, турли ҳодисалар. Шунингдек, "Энфилд" бизга қандай ёрдам беришини ҳам унутмаслик керак. "Галатасарой"дан учралган сафардаги мағлубиятдан сўнг журналистлар пессимистик кайфиятда эдилар, аммо бир ҳафта ўтиб биз энг яхши ўйинимизни ўтказдик ва кейинги босқичга йўл олдик", – дея Слотнинг сўзларидан иқтибос келтирмоқда Англия ОАВлари.