«Барселона» бош мураббийи Ханс-Дитер Флик Чемпионлар лигасида «Атлетико»дан учралган мағлубиятдан сўнг жамоа ярим ҳимоячиси Гавининг кўз ёшларига муносабат билдирди. Чорак финалнинг илк учрашуви 0:2 ҳисобида якунланди.
«Гави бор кучини ишга солди. Иккинчи бўлимда у фантастик ўйин кўрсатди. Ҳамма қўлидан келганча ҳаракат қилди ва бир киши кам бўлиб ўйнаганимизга қарамай, тўп назоратида устунлик қилдик, ҳатто бир нечта голли вазиятлар ҳам яратдик», — дея Фликнинг сўзларини келтирмоқда журналист Фабрицио Романо.
Эслатиб ўтамиз, Гави жароҳати туфайли мавсумнинг катта қисмини ўтказиб юборди. Жорий мавсумда у бор-йўғи бешта учрашувда майдонга тушиб, битта голли узатмани амалга оширди.
