«Barselona» bosh murabbiyi Xans-Diter Flik Chempionlar ligasida «Atletiko»dan uchralgan mag‘lubiyatdan so‘ng jamoa yarim himoyachisi Gavining ko‘z yoshlariga munosabat bildirdi. Chorak finalning ilk uchrashuvi 0:2 hisobida yakunlandi.

«Gavi bor kuchini ishga soldi. Ikkinchi bo‘limda u fantastik o‘yin ko‘rsatdi. Hamma qo‘lidan kelgancha harakat qildi va bir kishi kam bo‘lib o‘ynaganimizga qaramay, to‘p nazoratida ustunlik qildik, hatto bir nechta golli vaziyatlar ham yaratdik», — deya Flikning so‘zlarini keltirmoqda jurnalist Fabrisio Romano.

Eslatib o‘tamiz, Gavi jarohati tufayli mavsumning katta qismini o‘tkazib yubordi. Joriy mavsumda u bor-yo‘g‘i beshta uchrashuvda maydonga tushib, bitta golli uzatmani amalga oshirdi.