Мадриднинг «Реал» клуби собиқ чап қанот ҳимоячиси Марсело терма жамоа билан қўлга киритилган соврин у учун клуб даражасидаги кўплаб муваффақиятлардан қадрлироқ бўлишини тан олди.
Бразилиялик футболчи 2007 йилдан 2022 йилгача «қаймоқранглилар» шарафини ҳимоя қилган. Ушбу давр мобайнида у жамоа билан беш марта Чемпионлар лигасида ғолиб чиқди, олти бор Испания чемпиони бўлди ва яна кўплаб титулларни қўлга киритди.
«Бу қийин савол, лекин мен очиқчасига жавоб бераман. Ҳа, мен Чемпионлар лигасидаги барча кубокларимни битта Жаҳон чемпионлигига алмашган бўлардим», – дея Марселонинг сўзларини келтирмоқда The Touchline.
Бразилия терма жамоаси 2002 йилдан бери Жаҳон чемпионатида ғолиб чиқа олмаяпти.
