Madridning «Real» klubi sobiq chap qanot himoyachisi Marselo terma jamoa bilan qo‘lga kiritilgan sovrin u uchun klub darajasidagi ko‘plab muvaffaqiyatlardan qadrliroq bo‘lishini tan oldi.
Braziliyalik futbolchi 2007 yildan 2022 yilgacha «qaymoqranglilar» sharafini himoya qilgan. Ushbu davr mobaynida u jamoa bilan besh marta Chempionlar ligasida g‘olib chiqdi, olti bor Ispaniya chempioni bo‘ldi va yana ko‘plab titullarni qo‘lga kiritdi.
«Bu qiyin savol, lekin men ochiqchasiga javob beraman. Ha, men Chempionlar ligasidagi barcha kuboklarimni bitta Jahon chempionligiga almashgan bo‘lardim», – deya Marseloning so‘zlarini keltirmoqda The Touchline.
Braziliya terma jamoasi 2002 yildan beri Jahon chempionatida g‘olib chiqa olmayapti.
