«Барселона» Ламин Ямалнинг таъсирли ўйинига қарамай, Чемпионлар лигаси чорак финалида Мадриднинг «Атлетико» жамоасидан ўз уйида мағлубиятга учради (0:2).

Учрашув якунланганидан сўнг, Каталония гранди мураббийи Ханс-Дитер Флик 18 ёшли вингернинг истиқболлари ва унинг жамоа учун қадри ҳақида алоҳида тўхталиб ўтди.

«Ламин бор-йўғи 18 ёшда, шунинг учун уни ортиқча шов-шувлардан ҳимоя қилишимиз керак. У футбол тарихидаги энг яхшилардан бирига айланади, аммо ҳозирги асосий вазифа — уни қўллаб-қувватлаш. Мухлислар стадионга Ямал, Винисиус, Педри каби футболчилар учун келишади. Мен буни шундай кўраман», — деди Флик «матрасчилар» билан кечган омадсиз ўйиндан кейинги матбуот анжуманида.