«Barselona» Lamin Yamalning ta’sirli o‘yiniga qaramay, Chempionlar ligasi chorak finalida Madridning «Atletiko» jamoasidan o‘z uyida mag‘lubiyatga uchradi (0:2).
Uchrashuv yakunlanganidan so‘ng, Kataloniya grandi murabbiyi Xans-Diter Flik 18 yoshli vingerning istiqbollari va uning jamoa uchun qadri haqida alohida to‘xtalib o‘tdi.
«Lamin bor-yo‘g‘i 18 yoshda, shuning uchun uni ortiqcha shov-shuvlardan himoya qilishimiz kerak. U futbol tarixidagi eng yaxshilardan biriga aylanadi, ammo hozirgi asosiy vazifa — uni qo‘llab-quvvatlash. Muxlislar stadionga Yamal, Vinisius, Pedri kabi futbolchilar uchun kelishadi. Men buni shunday ko‘raman», — dedi Flik «matraschilar» bilan kechgan omadsiz o‘yindan keyingi matbuot anjumanida.
