Мадриднинг «Атлетико» жамоаси ҳужумчиси Хулиан Альварес Чемпионлар лигаси 1/4 финали доирасидаги сафар ўйинида «Барселона» дарвозасини ишғол қилди.
Аргентиналик футболчи баҳснинг 45-дақиқасида ҳисобни очди.
Squawka нашрининг хабар беришича, «матрасчилар»нинг 26 ёшли аъзоси учун ушбу гол жорий Чемпионлар лигаси мавсумидаги тўққизинчиси бўлди ва бу клубнинг бир мавсумдаги сермаҳсуллик бўйича янги рекордидир. Ҳужумчи 2013/14 йилги мавсумда саккиз бор рақиблар дарвозасини ишғол қилган аввалги рекордчи Диего Костанинг кўрсаткичидан ўзиб кетди.













