«Манчестер Юнайтед» клубининг афсонавий собиқ футболчиси Пол Скоулз «Арсенал»нинг 16 ёшли аъзоси Макс Доуманнинг ўйинидан ҳайратда қолди.
Машҳур собиқ ярим ҳимоячининг фикрича, «тўпчилар»нинг порлаётган юлдузини, ёш бўлишига қарамай, Англия терма жамоасининг Жаҳон чемпионати учун қайдномасига киритиш лозим.
«Испаниядаги Ямалга эътибор қаратинг... Доуманни Жаҳон чемпионатига олиб боринг! Бизда унга ўхшаш ўйинчилар йўқ. Менимча, Томас Тухель бунга журъат қилиши мумкин. Макснинг ёшлар терма жамоасидаги голларини кўрдингизми? Испания жуда муваффақиятли жамоа ва у ерда уни албатта таркибга олишган бўларди. У шунчаки ҳимоячилардан қочиб кетади — Англияда яна кимдир буни уддалай олишига шубҳам бор», — дея Скоулзнинг сўзларини келтирмоқда «Arsenal News Channel».
«Уч шерлар» ЖЧ-2026 гуруҳ босқичида Хорватия, Гана ва Панама терма жамоаларига қарши баҳс олиб боришади.
