«Барселона» дарвозабони, ҳозирда ижара асосида «Жирона» шарафини ҳимоя қилаётган Марк-Андре тер Штеген ўзининг жароҳати борасидаги саволга жавоб берди.
33 ёшли германиялик посбон тизза ости пайлари жароҳати сабабли январь ойи охиридан бери майдонга тушмаяпти.
«Мен майдонга қайтишни тезлаштирмайман, чунки энг муҳими — саломатлик, гарчи Жаҳон чемпионатига боришни жуда истаётган бўлсам-да. Бу ерда кўплаб омиллар бор ва мен қабул қилинадиган ҳар қандай қарорни ҳурмат қиламан. Ҳозирда мутлақо хотиржамман ва ўзимни яхши ҳис қиляпман. Мавсум якунида воқеалар ривожи қандай бўлишини кўрамиз. ЖЧ-2026 учун терма жамоа таркибига кириш қийин бўлишини биламан», — дея тер Штегеннинг сўзларини келтирмоқда Barca Universal.
Тахминларга кўра, дарвозабон шу ойнинг ўзидаёқ сафга қайтиши мумкин.
