«Манчестер Юнайтед» сардори Бруну Фернандеш ўзини ҳамюрти Криштиану Роналду билан солиштиришларини ноўрин деб ҳисоблайди.
Португалиялик ярим ҳимоячи бир неча йилдан бери «қизил иблислар»нинг сўзсиз етакчиси саналади, бироқ клубнинг собиқ юлдузи Роналду билан ўзаро параллеллар ўтказилиши 31 ёшли футболчига ортиқчадек туюлмоқда.
«Мени Криштиану билан солиштирманг — дунёдаги бирор бир инсон бунга лойиқ эмас. Роналду билан қиёслаш мумкин бўлган ягона инсон — бу Месси. Бу иккисининг ёнида ҳеч ким тура олмайди. Уларда алоҳида спорт тури, ўз ўйинлари бор, қолган барчамиз эса шунчаки четдан туриб уларнинг ўйинидан завқ олишимиз керак», — дея Фернандешнинг сўзларини келтирмоқда Al Nassr Zone.
Криштиану Роналду 2022 йилда «Манчестер Юнайтед»ни тарк этган эди. 2023 йил бошидан бери ҳужумчи Саудия Арабистонининг «Ан-Наср» клубида тўп сурмоқда.
