«Атлетико» Чемпионлар лигаси чорак финалининг дастлабки учрашувида сафарда «Барселона»ни 2:0 ҳисобида мағлуб этди. Биринчи гол ҳужумчи Хулиан Альварес томонидан киритилди — у жарима зарбасидан ажойиб гол уришга муваффақ бўлди.
Ўйиндан сўнг Альварес «Камп Ноу»да Лионель Месси томонидан урилган голдан илҳомланганини тан олди. 2019 йили Месси Чемпионлар лигаси ярим финалининг илк баҳсида «Ливерпуль» дарвозасига жарима зарбасидан чиройли гол киритган эди.
«Мен Мессининг бу ерда «Ливерпуль»га урган голини бир неча бор томоша қилганман. Бироқ тўпни айнан бурчакка тушира олишимга тўлиқ амин эмасдим», — деди Альварес ESPN нашрига.
