«Atletiko» Chempionlar ligasi chorak finalining dastlabki uchrashuvida safarda «Barselona»ni 2:0 hisobida mag‘lub etdi. Birinchi gol hujumchi Xulian Alvares tomonidan kiritildi — u jarima zarbasidan ajoyib gol urishga muvaffaq bo‘ldi.
O‘yindan so‘ng Alvares «Kamp Nou»da Lionel Messi tomonidan urilgan goldan ilhomlanganini tan oldi. 2019 yili Messi Chempionlar ligasi yarim finalining ilk bahsida «Liverpul» darvozasiga jarima zarbasidan chiroyli gol kiritgan edi.
«Men Messining bu yerda «Liverpul»ga urgan golini bir necha bor tomosha qilganman. Biroq to‘pni aynan burchakka tushira olishimga to‘liq amin emasdim», — dedi Alvares ESPN nashriga.













