«Манчестер Юнайтед» сардори Бруну Фернандеш Майкл Кэррик қўл остида жамоа ўйинида юз берган ўзгаришлар ҳақида ўз фикрлари билан ўртоқлашди.

Инглиз мутахассиси янги йилнинг январь ойида истеъфога чиқарилган Рубен Аморим ўрнини эгаллаб, ўз вазифасига киришган эди. Ўшандан бери «қизил иблислар» чемпионат доирасидаги ўнта ўйиннинг еттитасида ғалаба қозонишди.

«Аёнки, баъзи нарсалар ўзгарди: футболчилар, позициялар, тактик схемалар алмашди. Энг муҳими, биз гол уришни бошладик. Жамоа ҳимояда жипсроқ ўйнаяпти. «Сити» билан ўйин биз учун энг муваффақиятлиси бўлди. «Арсенал»га қарши баҳсда ўйин бобида у қадар зўр бўлмагандирмиз, лекин ўша учрашувда максимал натижани қўлга кирита олдик», – дея Фернандешнинг интервьюсидан иқтибос келтиради UtdDistrict.

31-турдан сўнг «МЮ» Премьер-лига турнир жадвалида учинчи ўринни эгаллаб турибди.