«Manchester Yunayted» sardori Brunu Fernandesh Maykl Kerrik qo‘l ostida jamoa o‘yinida yuz bergan o‘zgarishlar haqida o‘z fikrlari bilan o‘rtoqlashdi.
Ingliz mutaxassisi yangi yilning yanvar oyida iste’foga chiqarilgan Ruben Amorim o‘rnini egallab, o‘z vazifasiga kirishgan edi. O‘shandan beri «qizil iblislar» chempionat doirasidagi o‘nta o‘yinning yettitasida g‘alaba qozonishdi.
«Ayonki, ba’zi narsalar o‘zgardi: futbolchilar, pozisiyalar, taktik sxemalar almashdi. Eng muhimi, biz gol urishni boshladik. Jamoa himoyada jipsroq o‘ynayapti. «Siti» bilan o‘yin biz uchun eng muvaffaqiyatlisi bo‘ldi. «Arsenal»ga qarshi bahsda o‘yin bobida u qadar zo‘r bo‘lmagandirmiz, lekin o‘sha uchrashuvda maksimal natijani qo‘lga kirita oldik», – deya Fernandeshning intervyusidan iqtibos keltiradi UtdDistrict.
31-turdan so‘ng «MYU» Premyer-liga turnir jadvalida uchinchi o‘rinni egallab turibdi.
