«Манчестер Сити»нинг норвегиялик юлдузи Эрлинг Холанд майдондан ташқарида қандай ҳордиқ чиқариши ҳақида сўзлаб берди. Маълум бўлишича, дунёнинг энг қимматбаҳо ҳужумчиларидан бири ўз севгилиси билан машҳур Minecraft ўйинини ўйнашни хуш кўрар экан.
«Биз қиз ўртоғим билан Minecraft ўйнаймиз. Ўтирамиз, ўйнаймиз, уйлар қурамиз ва шунга ўхшаш ишлар билан шуғулланамиз», — дея Холанднинг сўзларини NRK нашри келтирмоқда.
Жорий мавсум Холанд клуб миқёсида 44 та ўйинда майдонга тушиб, 33 та гол уришга улгурди.
