Германиянинг "Бавария" клуби ўзининг расмий сайтида ярим ҳимоячи Ленарт Карлнинг жароҳати ҳақида хабар эълон қилди.
Ленарт Карл ўнг сонининг орқа юзаси мушаклари ёрилган. Ташхис "Бавария"нинг тиббий хизмати томонидан тасдиқланган. Бу 18 ёшли ҳужумкор ярим ҳимоячи номаълум муддатга сафдан чиққанини англатади, дейилади хабарда.
Германия Бундеслигасининг жорий мавсумида Ленарт Карл 24 та ўйинда майдонга тушиб, бешта гол урди ва тўртта голли узатмани амалга оширди. Шунингдек, ярим ҳимоячи ҳисобида Чемпионлар лигасида еттита ўйин, тўртта гол ва иккита голли узатма бор. Transfermarkt футболчининг бозор қийматини 60 миллион еврога баҳоламоқда.
