Яна иккита Англия гранди «Байер» ҳужумчиси Кристиан Кофанега қизиқиш билдирмоқда.

Аввалроқ 19 ёшли футболчи учун асосий даъвогар сифатида Лондоннинг «Арсенал» клуби кўрилаётган эди, буни ҳатто камерунлик футболчининг агенти ҳам қисман тасдиқлаган. TEAMtalk берган маълумотларга кўра, порлаётган юлдуз учун курашга «Манчестер Сити» ва «Ливерпуль» ҳам қўшилди. Transfermarkt портали футболчининг бозор қийматини 40 миллион еврога баҳоламоқда.

Кристиан Кофане жорий мавсумда «доришунослар» сафида 40 та ўйинда майдонга тушиб, 7 та гол ва 8 та голли узатмага муаллифлик қилди. Ҳужумчининг Леверкузен клуби билан амалдаги шартномаси 2029 йилгача мўлжалланган.