Yana ikkita Angliya grandi «Bayer» hujumchisi Kristian Kofanega qiziqish bildirmoqda.

Avvalroq 19 yoshli futbolchi uchun asosiy da’vogar sifatida Londonning «Arsenal» klubi ko‘rilayotgan edi, buni hatto kamerunlik futbolchining agenti ham qisman tasdiqlagan. TEAMtalk bergan ma’lumotlarga ko‘ra, porlayotgan yulduz uchun kurashga «Manchester Siti» va «Liverpul» ham qo‘shildi. Transfermarkt portali futbolchining bozor qiymatini 40 million yevroga baholamoqda.

Kristian Kofane joriy mavsumda «dorishunoslar» safida 40 ta o‘yinda maydonga tushib, 7 ta gol va 8 ta golli uzatmaga mualliflik qildi. Hujumchining Leverkuzen klubi bilan amaldagi shartnomasi 2029 yilgacha mo‘ljallangan.