Лондоннинг «Арсенал» клуби собиқ ярим ҳимоячиси Жек Уилшер 16 ёшли Макс Доуманнинг Англия терма жамоасига чақирилиши мумкинлиги ҳақида ўз фикрларини билдирди.
Кенг тарқалган фикрларга кўра, «уч шерлар» устози Томас Тухель жаҳон чемпионати олдидан «тўпчилар»нинг порлаётган юлдузига эътибор қаратиши лозим.
«Фақат бир нарсани айтишим мумкин — агар у Испанияда бўлганида, албатта жаҳон чемпионатига борган бўларди. Англияда шундай одат бор: биз аввал футболчиларни кўкларга кўтарамиз, кейин эса уларни «ҳимоя қилишни» бошлаймиз. Доуман шубҳасиз етарлича иқтидорга эга. У майдонда доимий равишда ҳаракат қилмаса ҳам, терма жамоага ёрдам бера олиши мумкин эди. Эртами-кечми у барибир ўша ерда (терма жамоада) бўлади. Эслатиб ўтаман, Ламин Ямал ҳам 16 ёшида Еврога борган ва турнирнинг энг яхши футболчисига айланган эди», — дея Уилшернинг сўзларини келтиради The Telegraph.
Маълумот учун, шу йилнинг март ойида Макс Доуман Премьер-лига тарихидаги энг ёш гол муаллифига айланди.
