Ҳозирда ижара асосида «Бавария» шарафини ҳимоя қилаётган ва трансфер ҳуқуқи «Челси»га тегишли бўлган ҳужумчи Николас Жексон фаолиятини А Серияда давом эттириши мумкин.

Corriere della Sport нашрининг хабарига кўра, Мюнхен клуби сенегаллик футболчининг трансфер ҳуқуқини сотиб олмоқчи эмас. Ҳужумчининг хизматларига «Милан» қизиқиш билдирмоқда. «Россонерилар» шу ёзда футболчини сотиб олиш ҳуқуқи билан ижарага олишни режалаштирмоқда.

Жорий мавсумда Николас Жексон «Бавария» сафида барча турнирларда 26 та ўйинда майдонга тушиб, 7 та гол урди ва 3 та голли узатмани амалга оширди. Унинг «Челси» билан шартномаси 2033 йилнинг 30 июнига қадар мўлжалланган. Эслатиб ўтамиз, ҳужумчи 2023 йилда «Вильярреал»дан 37 миллион евро эвазига Лондон клубига ўтган эди. Transfermarkt портали Жексоннинг қийматини 40 миллион еврога баҳоламоқда.