Hozirda ijara asosida «Bavariya» sharafini himoya qilayotgan va transfer huquqi «Chelsi»ga tegishli bo‘lgan hujumchi Nikolas Jekson faoliyatini A Seriyada davom ettirishi mumkin.

Corriere della Sport nashrining xabariga ko‘ra, Myunxen klubi senegallik futbolchining transfer huquqini sotib olmoqchi emas. Hujumchining xizmatlariga «Milan» qiziqish bildirmoqda. «Rossonerilar» shu yozda futbolchini sotib olish huquqi bilan ijaraga olishni rejalashtirmoqda.

Joriy mavsumda Nikolas Jekson «Bavariya» safida barcha turnirlarda 26 ta o‘yinda maydonga tushib, 7 ta gol urdi va 3 ta golli uzatmani amalga oshirdi. Uning «Chelsi» bilan shartnomasi 2033 yilning 30 iyuniga qadar mo‘ljallangan. Eslatib o‘tamiz, hujumchi 2023 yilda «Vilyarreal»dan 37 million yevro evaziga London klubiga o‘tgan edi. Transfermarkt portali Jeksonning qiymatini 40 million yevroga baholamoqda.