Лондоннинг «Арсенал» клуби бош мураббийи Микель Артета жамоасининг жорий йилги Чемпионлар Лигасидаги истиқболлари ҳақида тўхталиб ўтди. Испаниялик мутахассис «канонирлар»нинг Европанинг энг нуфузли турнирида ғалаба қозонишига қаттиқ ишонишини таъкидлади.
«Мен бунга жуда қаттиқ ишонаман, чунки футболчиларимни ҳар куни кўриб турибман. Биринчи навбатда — биздаги мавжуд потенциални кўряпман. Олдимизда қандай имконият очилаётганини тушуниб турибмиз ва ундан фойдаланиш учун қўлимиздан келган барча ишни қиламиз», — дея Артетанинг сўзларини BBC келтирмоқда.
Яқинда «Арсенал» ЕЧЛ чорак финалининг илк баҳсида Лиссабоннинг «Спортинг» жамоаси устидан сафарда 1:0 ҳисобида ғалаба қозонди. Ушбу кичик устунлик лондонликларнинг ярим финал йўлидаги имкониятларини анча оширди.
