«Ливерпуль» ҳужумчиси Муҳаммад Салоҳ 9 апрель, пайшанба куни мавсум якунида клубдан кетишини эълон қилган ҳимоячи Эндрю Робертсон билан тушган бир нечта суратларини жойлаштирди. Аввалроқ Салоҳнинг ўзи ҳам ёзда мерсисайдликлар сафини тарк этиши ҳақида хабар берган эди.
«Бизнинг мустаҳкам алоқамизни ифодаловчи ушбу суратлар сенинг кетишинг ҳақида ҳеч нарса демаслигимга деярли кўндирган эди. Сен билан бир жамоада тўп тепиш ва дўст бўлиш мен учун шараф бўлди. Сен ҳамма нарсада ғолиб чиқдинг ва клубни афсона сифатида тарк этмоқдасан. Ишончим комил, биз ҳали яна кўришамиз», — деб ёзди Салоҳ ўзининг Х ижтимоий тармоғидаги саҳифасида.
Шотландиялик футболчи 2017 йилдан бери мерсисайдликлар шарафини ҳимоя қилиб келмоқда. Ушбу давр мобайнида Робертсон барча мусобақаларда 373 та ўйинда майдонга тушиб, 13 та гол ва 69 та голли узатмага муаллифлик қилди.
