«Liverpul» hujumchisi Muhammad Saloh 9 aprel, payshanba kuni mavsum yakunida klubdan ketishini e’lon qilgan himoyachi Endryu Robertson bilan tushgan bir nechta suratlarini joylashtirdi. Avvalroq Salohning o‘zi ham yozda mersisaydliklar safini tark etishi haqida xabar bergan edi.
«Bizning mustahkam aloqamizni ifodalovchi ushbu suratlar sening ketishing haqida hech narsa demasligimga deyarli ko‘ndirgan edi. Sen bilan bir jamoada to‘p tepish va do‘st bo‘lish men uchun sharaf bo‘ldi. Sen hamma narsada g‘olib chiqding va klubni afsona sifatida tark etmoqdasan. Ishonchim komil, biz hali yana ko‘rishamiz», — deb yozdi Saloh o‘zining X ijtimoiy tarmog‘idagi sahifasida.
Shotlandiyalik futbolchi 2017 yildan beri mersisaydliklar sharafini himoya qilib kelmoqda. Ushbu davr mobaynida Robertson barcha musobaqalarda 373 ta o‘yinda maydonga tushib, 13 ta gol va 69 ta golli uzatmaga mualliflik qildi.
