«Тоттенхэм Хотспур»нинг янги бош мураббийи Роберто Де Дзерби жамоанинг Англия Премьер лигасидаги ўрнини сақлаб қолишга ёрдам бера олиши ҳақидаги саволга жавоб қайтарди.

— Жамоани Премьер-лигада олиб қолишингизга ишончингиз комилми?

— Ҳа. Мен улар билан ишлашни бошлашдан олдин ҳам футболчиларнинг яхши йигитлар эканини билардим. Мухлислар хурсанд бўлишлари керак, чунки барча ўйинчилар ажойиб инсонлар ва улар ушбу мураккаб вазиятда қийналмоқдалар. Мен буни ўйин вақтида кўришни истайман, чунки оддий кунларда бу осонроқ кечади. Менимча, майдондаги муҳит ўзгарди. Ўтган ҳафта иш бошлаган пайтимда уларни кузатгандим, ҳозир эса сезиларли даражада ижобий кайфиятдаман, — дея Де Дзербининг сўзларини келтирмоқда «Тоттенхэм» расмий сайти.

АПЛ турнир жадвалида «шпорлар» 31 турдан сўнг 30 очко билан 17-ўринни эгаллаб турибди. Чемпионшипга тушиб кетиш ҳудудидан уларни бор-йўғи бир очко ажратиб турибди.